KZ
Астанада жаңа шоу - ню стиліндегі әйелдер күресі ұйымдастырылады

Астанада жаңа шоу - ню стиліндегі әйелдер күресі ұйымдастырылады

Расcказать Вконтакте

Астанада жаңа шо - ню стиліндегі әйелдер күресі пайда болады .

Елордадағы көңіл көтеру ордаларының бірінде промоутер қызметін атқаратын Қайсар Жігеев шетелде үлкен сұранысқа ие - ню стиліндегі бойжеткендер күресін ұйымдастырмақ. Саз-балшықта төбелесетін қыздардың көрінісі, оның ойынша, ондаған қалталы клиенттерді тартуға көмектеседі деп жазады "Экспресс К" басылымы.

"Осындай жоспарларымыз бар. Елордада спорт жарыстары бойынша бәс тігу сұранысқа ие. Сондықтан біз көпшіліктің көңілінен шығатын - әйел денесінің сұлулығына тамсану мен спортқа деген құмарлықты біріктірмекпіз", - дейды промоутер.

Көңіл көтерудің жаңа әдісі бойынша залдың ортасына үрлемелі рейтинг қойылып,  оған балшық жағылады. Одан кейін ортаға өнер көрсету үшін бойжеткендер шығады. Ережелері қарапайым - бар болғаны қарсыласының жауырынын жерге тигізу. Ол үшін үш балл беріледі. Үш балл сондай-ақ қарсыласының іш киімін сыпырып алған күресшіге де тағайындалады. Күрестің дәл осы тұсы үлкен қызығушылық тудыратын көрінеді.

Промоутердің айтуынша, билеттердің құны шамамен 15 мың теңгеден басталады. Ол сондай-ақ шоуға қатысушыларды жинау үлкен мәселе екенін жасырмады. Алғашында қатысушыларды стриптизерлер мен жезөкшелердің арасынан жинамақ болған промоутер қателесіпті. Себебі аталған кәсіп өкілдері шоуға қатысудан бас тартыпты.

Бірақ үміті үзбеген ұйымдастырушы қатысушыларды кәдімгі әдемі спортшылар, бишілер, модель мен гимнастшылардың арасынан іздеуді жалғастырады. Ақыры алты бойжеткен қатысуға келіскен тәрізді. Олар Украина мен Ресейден келген қарсыластарымен жаға жыртыспақ.

"Мәскеу мен Киевте бұл шоу өте танымал. Қазір менің қыздарым мені жерге қаратпас үшін күндіз-түні дайындалуда", - дейді жаңа бизнес түрін ойлап тапқан пысық.

 

Новости Казахстана
Mailfire view pixel