KZ
Мұнай компанияларына 13 млн теңге айыппұл салынды

Мұнай компанияларына 13 млн теңге айыппұл салынды

Расcказать Вконтакте

Қызылорда облысындағы бірқатар мұнай компанияларына ҚР "Жер қойнауы және жер қойнауын пайдалану туралы" заңын бұзғаны үшін 13 328 280 теңге айыппұл салынды. 

Бұл туралы Қызылорда геология және жер қойнауын пайдалану облыстық инспекциясының бас маманы Қуаныш Рахманбаев хабарлады.

- Қызылорда облысы мен оның жалға берілетін бөлігінде 21 жер қойнауын пайдаланушы көмірсутегі шикізатын барлау және өндіру жұмысымен айналысады, - дейді бас маман. - Өткен жылы біздің инспекция олардың нысандарына 20 жоспарлық және жоспардан тыс тексеріс жұмыстарын жүргізді. Нәтижесінде ҚР Жер қойнауын пайдалану заңнамасын бұзу бойынша 100 дерек анықталды.

Жалпы, тексеріс қорытындысы бойынша 120-дан астам әкімшілік іс қозғалған, 50-ден астам заңды тұлғаға жалпы алғанда 13328280 теңге айыппұл салынған. Айыппұлды заңбұзушылар қатарындағы лауазымды тұлғалар да төледі. Оларға 76 әкімшілік заңбұзушылық бойынша 4 млн. теңге айыппұл салыныпты.

 

 

Новости Казахстана
Mailfire view pixel