Top.Mail.Ru

Сайт нұсқасы

ru kz

Зектілері

Түркістандағы төрт баланың өлімі: Қайғылы оқиғаға қатысты тың деректер пайда болды

Опубликовано:

ФОТО
Фото: Түркістан облысы әкімдігінің баспасөз қызметі

Түркістан қаласындағы жеке үйлердің бірінен бір ересек адам мен кәмелеттік жасқа толмаған төрт баланың денесі табылды. Қайғылы жағдайға қатысты тың деректер пайда болды деп жазады Түркістан облысы әкімдігінің Facebook әлеуметтік желідегі парақшасы.

Ведомство ұсынған ақпаратқа сәйкес, 2021 жылдың 27 ақпан күні Түркістан қаласындағы жеке тұрғын үйде 5 адам: 1980 жылғы анасы және 2004, 2006, 2013, 2016 жылы туған балалар газдан уланып қайтыс болған.

Отағасының кәсіпкерлікпен айналысатыны, оқиға болған уақытта емделу мақсатында Шымкент қаласында болғаны анықталды.

Өңір басшысы Өмірзақ Шөкеев, полиция департаменті және ТЖД басшысы, Түркістан қаласының әкімі оқиға орнына барды.

Облыс әкімі оқиғаның тергеу барысын жеке бақылауына алып, қаза болғандардың туыстары мен жақындарына көңіл айтты. Отбасына материалдық көмек көрсетуді тапсырды.

"Зардап шеккен отбасына қажетті психологиялық және материалдық көмек көрсетіледі. Мәселе менің жеке бақылауымда. Мен қайтыс болған отбасының туыстары мен жақындарына шын жүректен көңіл айтамын", - деді Өмірзақ Шөкеев.

Төтенше жағдай департаментіне қалалар мен аудандардың әкімдіктерімен бірлесіп, барлық жерде жылыту жүйелерін тексеруді және жылыту жүйелерімен жұмыс істеу кезінде қауіпсіздік шараларын сақтау бойынша ақпараттық-түсіндіру жұмыстарын күшейту тапсырылды.

Қайғылы оқиғаның мән-жайын анықтау үшін облыс әкімінің бірінші орынбасары Арман Жетпісбайевтің басшылығымен арнайы комиссия құрылды.

Мақаланың түпнұсқасы: https://kaz.nur.kz/society/1901196-turkistandagy-tort-balanyn-olimi-qaigyly-oqigaga-qatysty-tyn-derekter-paida-boldy/

pixel