Top.Mail.Ru

Сайт нұсқасы

ru kz

Зектілері

Ақтөбеде отбасылық жанжалдан кейін үйінен кетіп қалған 16 жастағы қызға іздеу салынды (фото)

Опубликовано:

Ақтөбелік полицейлер бір тәуліктен бері хабарсыз кеткен 16 жастағы аруды іздестіріп жатыр. Полицияға қыздың әкесі хабарласып көмек сұраған деп хабарлайды KAZ.NUR.KZ.

Ақтөбеде отбасымен ренжісіп үйден кеткен 16 жастағы бойжеткенге іздеу салынды
Фото: ПД, Көрнекі фото: KAZ.NUR.KZ: UGC

Бойжеткен 25 мамыр күні сағат 11:00-де үйден шығып кетіп, қайта оралмаған. Сары уайымға салынған туыстары хабарсыз кеткен қыздарын қайдан іздерін білмей дал.

"Полицияға қыздың 48 жастағы әкесі хабарласты. Ақтөбе Мұнай және газ колледжінің 1-курс студенті Амандық Батима Бисенқызының 25 мамыр күні сағат 11:00-де отбасылық жанжалдан кейін үйден кетіп, оралмағанын айтты. Жоғалған қыз туралы ақпаратты білетін азаматтарды 8776 546 66 66 немесе "102" телефоны арқылы хабарлауыңызды сұраймыз", - делінген полиция департаментінің хабарламасында.

16 жастағы ару бұрын-соңды үйден шықпаған. Үйінен кетерде өзімен бірге ұялы телефонын да алмаған.

Батима Амандықтың белгілері: Бойы 155-160 см, орта денелі, шашы ұзын қоңыр түсті, бетінде секпілдері бар. Сол күні үстінде қара түсті футболка, ашық көк түсті джинсы шалбар, аяғында ақ түсті кроссовка болған.

Еске сала кетейік, бұған дейін кешкі 18:00 шамасында үйінен шығып кетіп, қайта оралмаған ақтаулық жасөспірім қызға іздеу салынғанын хабарлаған едік.

Ертесіне оқушы аман-есен табылып, полиция қызметкерлері оны туыстарына қайтарған болатын.

Ең маңызды әрі қызықты біздің Instagram парақшамыздан оқыңыздар>>

Мақаланың түпнұсқасы: https://kaz.nur.kz/society/1857516-aktbede-otbasylyk-zanzaldan-kejin-jden-ketip-kalgan-16-zastagy-kyzga-izdeu-salyndy-foto/

pixel