Top.Mail.Ru

Сайт нұсқасы

ru kz

Зектілері

"Күйеуі ерте келген-ау": Оралда балконнан іш киіммен түскен азамат видеоға түсіп қалды

Опубликовано:

Әлеуметтік желіде іш киіммен көпқабатты үйдің балконынан түсіп бара жатқан азаматтың видеосы қызу талқыға түсті. Оқиға Оралдың 4-ықшамауданында болған. Көптің назарын аударған бейнежазбаға қатысты Батыс Қазақстан облысы полиция департаменті пікір білдірді деп хабарлайды KAZ.NUR.KZ.

"Күйеуі ерте келген-ау": Оралда балконнан іш киіммен түскен азамат видеоға түсіп қалды
Коллаж: Видеодан кадрлар: Getty Images

Ролик авторы жігітті "қаһарман көңілдес" деп атаған. Күтпеген жағдайға кішкентай балалар да куә болған. Балконнан түскен соң жігіт асығыс түрде заттарын жинап, кетіп қалған.

"Мүмкін жай қызына келіп, ата-анасы үйіне кіріп қалған шығар",- деді желі қолданушыларының бірі.

Ал басқа оқырмандар азаматтың бұл әрекетін әзілге айналдырып жіберді.

"Тағдырдан құтыла алмайсың. Пәтерден ұсталмадың, әлеуметтік желіде ұсталдың", "Кім жоғалтып алды?", "Біреудің күйеуі ерте келген-ау", "Коронавирусты уайымдап жүргенде көңілімді көтерді ғой", "Қазір барлық әйелдер көріп, менің батырым емес пе деп ойлап жатқан шығар" деп жазды олар.

Батыс Қазақстан облысы полиция департаменті аталған мекенжайдан ешқандай хабар келмегенін мәлімдеді. Үй подъезі карантинге жабылмаған.

Айта кетейік, саунадағы даулы видеода бой көрсеткен прокурор жұмыстан шығарылды.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/society/1856841-kjeui-erte-kelgen-au-oralda-balkonnan-is-kiimmen-tsken-azamat-videoga-tsip-kaldy/

pixel