Шымкентте қалған елорда тұрғындары жақын арада үйлеріне қайта алады

Бір күн бұрын ондаған жолаушы билет сатып алғандарына қарамастан, Шымкенттен Нұр-Сұлтанға ұша алмады. FlyArystan авиакомпаниясы рейстің тоқтатылу себебін түсіндірді, сондай-ақ қайта тоқтатылған рейстер жақын арада ұшатынын деп хабарлайды KAZ.NUR.KZ.

FlyArystan авиакомпаниясының баспасөз қызметі әуежайлардың жабылуына байланысты Шымкент және Орал қалаларынан жоспарланған рейстерді орындай алмайтындықтарын түсіндірді.

"Билет сату бөлімі Қазақстандағы төтенше жағдай 11 мамырда аяқталатыны туралы хабарланғаннан кейін ашылды. Өкінішке орай, Шымкент және Орал әуежайлары ресми түрде ашылмады, сондықтан кеше біз жоспарланған рейстерді аяқтай алмадық. Әуежайлары ресми түрде ашылмаған қалаларда осындай жағдай қайталануы мүмкін.

12 мамырда рейсі орындалмаған жолаушылар үшін 13 мамырда ұшатын қосымша рейс ұйымдастырылғанын хабарлаймыз. Шымкенттен ұшу уақыты сағат 22:10-да, Нұр-Сұлтанға 23:50-де келеді", – делінген хабарламада.

Әуе компаниясы жолаушыларға билеттерді қайта сатып алудың қажеті жоқ деп сендірді.

Еске сала кетсек, астанаға ұшуға билет алған шымкенттіктер далада қалғанын жазған едік.

Ең маңызды әрі қызықты жаңалықтарды біздің Instagram парақшамыздан оқыңыздар>>