Коронавирус ошағы болған Уханьда карантин алынып, қала өмірі жандана бастады

Жақында Уханьда шекара ашылып, карантин алынды. Қаладағы тіршілік бірте-бірте жандана бастады. Адамдар көшеге шыққанымен, өздерін өте сақ ұстайтыны байқалады деп хабарлайды KAZ.NUR.KZ.

Қаладағы оқшаулау шарасы екі айдан аса уақытқа - жалпы 76 күнге созылды. Ал қазір карантин алынып, жергілікті халық өзін қайта еркін сезіне бастаған.

Сонда да олар пайдаға асатын әдеттерін тастамапты: әлі де маска тағады, қолын жиі жуады, антисептик пайдаланады.

Кейбір тұрғындар тіпті арнайы киім киіп, көшеге шыққан.

Қалада әлі де аулалар мен ғимараттарды залалсыздандыратын дезинфекциялаушылар жұмыс істейді. Олар көп адам жүретін жерлерге көбірек көңіл бөліп, тазалайды.

Алайда мұндай шаралар тұрғындарға еш кедергі емес. Адамдар бір-бірімен әңгіме-дүкен құрып, қыдырып, азық-түлік дүкендерін аралап жүр.

Ухань қаласының билігі тұрғындарға тіпті шаһардан шығуға да рұқсат берген.

23 қаңтарда бұл қала инфекция таралуы кесірінен әлемнен шеттетілген болатын. Ол кезде билік мекемелердің барлығын жауып, көлік қозғалысын тоқтатып, адамдарға қаладан шығуға тыйым салынған еді.

Кейін Қытайдың басқа да қалаларында карантиненгізіле бастады.

Наурыз айының ортасына қарай Қытайдағы жағдай оңала бастады.

Ел ішіне сырттан ауру жұқтырып келгендерді есепке алмағанда, Уханьда ауру жұқтыру жаңа фактілері пайда болуын тоқтатты.

Коронавирус пайда болғалы Хубэй қаласында 3215 тұрғын көз жұмды. Бұл қала да Уханьмен бірге коронавирустың ошағы деп саналды және мұнда өлім-жітім жағдайлары барлық елден асып түскен.

Қытайда барлығы 82 867 ауру жұқтыру фактісі анықталып, олардың ішінде 77 639 науқас емделіп шығып, 3339 адам қайтыс болған.

Бұл деректерге сенсек, елде ауру жұқтырған 2 мыңнан кем адам қалған көрінеді.

Еске сала кетсек, дүниежүзінің түкпір-түкпіріндегі адамдар әлемді дүр сілкіндірген коронавирустан қорғанудың неше түрлі әдісін тапқаны жайлы жазған едік.

Ең маңызды әрі қызықты жаңалықтарды біздің Telegram арнамыздан оқыңыздар!