Top.Mail.Ru

Сайт нұсқасы

ru kz

Зектілері

Коронавирустан жазылған адам вирус тасымалдаушы болып қала ма

Опубликовано:

Нұр-Сұлтан қалалық қоғамдық денсаулық сақтау басқармасының басшысы Сәуле Қисықова коронавируспен ауырған адам инфекция тасымалдаушысы болып қала ма деген сұраққа жауап берді деп хабарлайды KAZ.NUR.KZ порталы.

Көрнекі фото: NUR.KZ
Көрнекі фото: NUR.KZ: Original

Сәуле Қисықованың айтуынша, коронавирус инфекциясымен ауырған науқас ауруынан толық айыққан уақытта ғана медициналық мекемеден шығарылады.

Коронавирус жұқтырған адамды емдеу 2 аптаға созылады. Процедура хаттамаға сәйкес жүргізіледі.

2 апталық кезеңнен кейін COVID 19 инфекциясына қайта тексеру үшін пациентке зертханалық сынамалар жасалады. Бір тәуліктен соң тест тағы қайталанады.

Егер пациентте сынама екі рет инфекцияның жоқ екендігін көрсетсе ғана ол ауруханадан шығарылады.

Бұндай жағдайда тасымалдау туралы айту мүмкін емес дейді Нұр-Сұлтан қалалық қоғамдық денсаулық сақтау басқармасының басшысы.

Денсаулық сақтау министрлігінің дерегінше, коронавирус жұқтырған қазақстандықтардың басым бөлігінде аурудың беліглері мен дене қызулары жоқ.

Еске сала кетсек, соңғы мәліметтерге сәйкес, елімізде коронавирустан тағы бір адам қайтыс болып, инфекция жұқтырғандар саны 709-ға жетті.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/society/1849674-koronavirustan-zazylgan-adam-virus-tasymaldausy-bolyp-kala-ma/

pixel