Ақмола облысында жерді пайдаланудың тиімділігі ғарыштан тексерілетін болады

Ақмола облысында пилоттық жоба аясында республикада алғаш рет жерді пайдаланудың ғарыштық мониторингі енгізілуде, деп хабарлайды ішкі саясат басқармасы.

Жер қатынастары басқармасынан алынған ақпаратқа сәйкес, геосервис мемлекеттік жер кадастрының автоматтандырылған ақпараттық жүйесі, ауылшаруашылық жануарларын сәйкестендіру дерекқоры, аймақтың жер балансы және жоғары ажыратымдылықтағы спутниктік кескіндер негізінде жасалды, соның арқасында ауылшаруашылық жерлерін пайдаланбау және ұтымсыз пайдалану фактілері мен мемлекет жерлерін өздігінен басып алу фактілері анықталды.

«Желтоқсан айында жоба пилоттық режимде Қазақстанда алғаш рет біздің облыста іске қосылды. Бүгінгі күні барлық аудандардың жерлері ғарыштық мониторингпен қамтылған, келесі жылы мониторингпен белсенді жұмыс істейтін боламыз» - деді облыстық басқарма басшысы Бауыржан Ерназаров.

Болашақта мемлекеттік инспекторлардың талап ету жұмысында дәлелді база ретінде спутниктік түсірілім деректерін пайдалану жоспарлануда, бұл пайдаланылмайтын және ұтымсыз пайдаланылатын жерлерді алып тастау бойынша тиімді шараларды едәуір арттырады.

Айта кетерлігі, осы жылы бірнеше мәліметтер базасын салыстыру арқылы қолданыстағы жер қорын талдау жұмыстары жүргізілді.

Оның нәтижелері бойынша орман және су қорлары жерлерінің, сондай-ақ қорлардың есептік деректері жер заңнамасына сәйкес келтіріліп, жер иелері де жаңартылуда.