Қазақтың бұлбұлы атанған Бибігүл Төлегенова жас кезінде қандай болған (фото)

Аты аңызға айналған қазақстандық опера әншісі, актриса әрі педагог, Социалистік еңбек ері, КСРО халық әртісі, КСРО мемлекеттік сыйлығының лауреаты Бибігүл Ахметқызы Төлегенова биыл 90 жылдық мерейтойын атап өтті. Осы орайда жез таңдай әншінің жастық шағында қандай болғанын KAZ.NUR.KZ Sputnik Қазақстанға сілтеме жасап ұсынады.

Бибігүл Төлегенова өнерге деген алғашқы қадамын Алматының Қазақ консерваториясының қабырғасында оқып жүргенде бастаған.

Әнші аталмыш оқу орнының вокал-хор факультетінде білім алған. Оған қоса, қазақ радиосында халық және эстрада әндерін орындайтын солист қызметін атқарған.

Одан кейін халық әртісі Абай атындағы мемлекеттік академиялық опера және балет театрында, Құрманғазы атындағы халық аспаптар оркестрі труппасында жұмыс істеген.

Өнер иесі әлі күнге дейін шығармашылығынан қол үзген жоқ. Тәжірибесі мол әншіден жаңа буын өнерпаздары жиі кеңес сұрап келіп тұрады.

Айта кетейік, бұған дейін Бибігүл Төлегенованың 90 жасқа толғанын хабарлаған болатынбыз.

Халық әртісін тұңғыш президент Нұрсұлтан Назарбаев туған күнімен құттықтап, арнайы кездескен болатын.

Әңгіме барысында Елбасы опера әншісінің шығармашылығымен алғашқы танысқан кезіндегі естеліктерімен бөлісті.

Сонымен қатар өнер иесі өз туған күнінде жанды дауыста ән шырқаған.