Алматыда MUZZONE телеарнасының дәстүрлі ЕМА 2019 баспасөз конференциясы өтті
Опубликовано:
Алматыда MUZZONE телеарнасының Еуразиялық музыкалық жүлде ЕМА 2019 баспасөз конференциясы өтті.
Бұл жылы еліміздің басты музыкалық шарасы 14 желтоқсанда Almaty Arena-да өтеді. 16:00-де қызыл кілеммен шоу-бизнестің жарқыраған жұлдыздары, атақты актерлер, режиссерлер, сондай-ақ теле және радиожүргізушілер жүріп өтеді. Қызыл кілемнің жүргізушісі Мұхит Сапарбаев әртістерге өзінің ерекше сұрақтарын дайындап қойған.
Жүлденің продюсері Дмитрий Шок бұл жылы іс-шараның форматын мүлдем өзгеше етіп жасаған. Жүлдеде тек атақты әртістер ғана емес, есімдері әлі танылып үлгермеген жандар да өнер көрсетеді.
Жүлденің продюсері "2019 жыл Қазақстанда жастар жылы болеандықтан-біз жаңа әртістерге өздерін көрсетіп, танытуға мүмкіндік бермекпіз"-деп айтқан болатын.
ЕМА 2019 шарасының тағы бір тосын сыйы 2000 жылдардың әншілерінің өнер көрсетуі болмақ. Мадина Сәдуақасова, Do-Mi-No тобы, ALL-Давай, 101, NNBek өздерінің басты хит әндерін DJ Ablay Kaltaev-пен эксклюзивті микс түрінде орындайтын болады.
ЕМА 2019 басты қонақтары Юлианна Караулова мен Бамбинтон тобы болмақ. 14 желоқсан күні Almaty Arena-да жарты жылдан астам уақытта жиналған көрермендер даусының қорытындысы шығарылады. Мүсіндерге мықтылардың мықтылары ие болады.
Мақаланың түпнұсқасы: https://kaz.nur.kz/showbiz/1830466-almatyda-muzzone-telearnasyny-dstrli-ema-2019-baspasz-konferenciasy-tti/