Атышулы Динагүл Тасова отандық кинода өзіне ұятсыз рөл ұсынылғанын айтты

Сән апталығында төсін жалаңаштап барша қазақстандықтарға танылған Динагүл Тасова өзіне кино әлемінен де ұсыныстар түсіп жатқанын жасырмады. Атышулы модель отандық киногерлер озін ұятсыз рөлдерді сомдауға шақырғанын жайып салды деп жазады KAZ.NUR.KZ "Ревю" бағдарламасына сілтеме жасап.

Танымал сәнбике өзіне жақпаған ерсі рөлдерден бас тартқанын айтқанымен, ұятсыз кейіпкерлерді сомдауға ұсыныс тастаған кинопродюсерлердің атын жасырып қалды.

"Киноға шақырыды. Бірақ шетелде түсірілетін кино екен. Дәл сіз сияқты қыз керек деп айтты кеше. Бірақ отказ жасадым. Неге? Өйткені, айтқан сөздері ұнамады. "Сен модель емес, актриса ретінде көргендіктен, бүкіл нәрсеге дайын болуың керексің" деп, дөрекі сөйлесті" , - деді Динагүл Тасова.

Оған қоса, атышулы модель тарихи фильмдерде бой көрсетуді армандайтынын айтып қалды.

"Шынымды айтайын, қанша ашық жүргеніммен де патриоттық киноларға жүрегім жақын. Егер де сондай бір рөлді сомдау керек болып жатса, бас тартпаймын. -Сән жағынан да көп ұсыныстар да түсіп жатыр. Әсіресе, енді осы жолы көп тапсырыстар іш киімдерді жарнама жасау, немесе осындай бір показдары ұйымдастыру. Ең қызығы, ТМД елдерінен көптеген ұсыныс түсіп жатыр" , - деп ағынан жарылды Динагул.