KZ
Қазақстандық бишілер Швейцариядан бас жүлдемен оралды

Қазақстандық бишілер Швейцариядан бас жүлдемен оралды

Расcказать Вконтакте

Отандық өнерпаздар шетелден бас жүлдемен оралды Семейдегі дарынды балаларға арналған облыстық балет мектебінің бишілері Швейцарияда өткен халықаралық байқауда бас жүлдені жеңіп алды.

Өнер сайысына Швейцария, Австрия, Польша, Чехия, Ресей, Беларусь, Қазақстан сияқты мемлекеттерден барлығы 150 жас талант қатысқан.

,,Ғаламшар жастығы,, деп аталатын байқау жыл сайын өткізіледі. Оған алдын ала іріктелген би ұжымдары мен жекелеген өнерпаздар шақырылды.

Берн, Цюрих, Женева қалаларында бірнеше күн өткен байқауда семейлік өнерпаздар еуропалықтардың назарына 2 классикалық және 2 халық биін ұсыныпты.

Көремендер әсіресе ұлттық киіммен сахнаға шыққан Ақжан Серікбекова, Дана Тортаева және Зинира Шамильеваның орындауындағы ,,Гәкку,, биі мен Нұрсұлтан Отаровтың қазақ биіне ерекше қошамет білдірген.

Бұл қойылымдардың авторы балет мектебінің директоры Кәмилә Исмаилова. Жеңімпаздарды енді Норвегия және Швеция елдерінде өтетін байқауларға шақырып отыр. Кәмилә Исмаилова, Облыстық балет мектебінің жетекшісі:

- Біз үшін бұл үлкен мәртебе, зор жетістік. Қазақстанды бүкіл әлемде танитынына тағы марқайып қайттық. Біздің балалар зор ықыласпен, лайықты өнер көрсетуге күш жұмсады. Нәтижесінде бірінші орын иелендік.

Новости Казахстана
Mailfire view pixel