Сағынтаев полицияға көпірде болған жол апатын анықтауды тапсырды

Алматы қаласының жаңа әкімі Бақытжан Сағынтаев жолаушылар автобусының көліктік жол айрық көпірінен құлауына себепші болған жол-көлік оқиғасына қатысты қалалық полицияға арналған алғашқы тапсырмасы туралы Twitter-де хабарлады деп жазады KAZ.NUR.KZ.

"Полиция департаментіне Райымбек даңғылы мен Саина көшелеріндегі көліктік жол айрықта болған жол-көлік оқиғасының себептерін анықтауды тапсырдым. Жақын арада қалада жол қозғалысы қауіпсіздігін қамтамасыз ету мәселелерін егжей-тегжейлі қарауды жоспарлап отырмын", - деп жазды оңтүстік астананың жаңа әкімі әлеуметтік желілерде.

Еске сала кетсек, қалааралық автобус көліктік жол айрық көпірінен құлап кетіп, бір адам зардап шеккен еді.

Автобус жүргізушісінің сөзінше, ол ылғалды жолда көлікті басқара алмай қалған.