Пойызда жоғалған затты қалай табуға болады?

Қарбалас кезде асығып жүріп көп дүниені ұмыт қалдыруыңыз мүмкін. Мәселен, пойызда абайсызда жүгіңізді тастап кетуіңіз ғажап емес. Жүрдек пойызда қалып қойған затты қайтарған күніңіз болды ма? Әлде жоғалтып алып, таппай қалған ба едіңіз? Тravel.rambler.ru сайтына сілтеме жасаған KAZ.NUR.KZ пойызда ұмытылып кеткен затты қалай қайтару керек екенін анықтады.

Өзіне тиесілі затты қайтару - адам үшін оңай дүниелердің бірі емес.

Сол себепті, ең алдымен, жоғалған заттардың сіз үшін қаншалықты маңызды екенін ойлап, саралап алыңыз.

Егер расымен де пойызда қалып қойған зат сіз үшін қымбат болса, келесі әрекеттерге көшіңіз:

1. Жедел желіге хабарласыңыз. Сол арқылы сіз пойыздың қай вокзалға кеткенін, сол вокзалдың телефон нөмірін білуіңізге болады.

2. Егер заттар табылмаса, вокзал басшысына барып, мына ақпараттарды айтыңыз:

• Сіз отырған пойыз бен вагон нөмірі;
• Жол жүру құжатыңызда жазылған орын нөмірі.