Top.Mail.Ru

Сайт нұсқасы

ru kz

Зектілері

"Жалақы болмайды": "Құрметті сенатор" атағы Назарбаевқа не бермек?

Опубликовано:

Депутат Әли Бектаев Нұрсұлтан Назарбаевқа "Құрметті сенатор" атағы қандай артықшылық беретіні жөнінде пікір білдірді. Бұл мәселеге қатысты ойымен ол сенаттың жалпы отырысынан кейін бөлісті деп хабарлайды KAZ.NUR.KZ.

Фото: Ақорда
Фото: Ақорда: Getty Images

Оның сөзінше, бұл қоғамдық-құрметті атақ Елбасының қазақстандық мемлекеттік пен паралментаризмнің қалыптасуына тарихи үлес қосқаны үшін берілген.

"Меніңше бұл сенаттың рөлі мен сенат депутаттарының жауапкершілігін жоғарлатпақ" , - деді ол.

Әли Бектаевтың айтуынша, Елбасы палатаның пленарлы отырыстарына қатысып, өз ұсыныстарын білдіруге құқылы болмақ.

"Бірінші президент - Елбасы қалауынша үнемі палатаның отырыстарына, қандай да бір шешімдердің қабылдануына тікелей қатысып, өз ұсыныстарын білдіре алады. Бұл өзара пайдалы болмақ" , - деді сенатор.
"Жалақы болмайды, бұл қоғамдық бастамалар негізінде" , - деп қайырды ол.

Айта кетейік, бұған дейін Нұрсұлтан Назарбаевқа "Құрметті сенатор" атағы берілгенін хабарлаған болатынбыз.

Мақаланың түпнұсқасы: https://kaz.nur.kz/politics/1796867-zalaky-bolmajdy-krmetti-senator-atagy-nazarbaevka-ne-bermek/

pixel