Сәдібек Түгел теледебатқа шапан киіп, қамшы ұстап келді (фото)

Бүгін "Хабар" телеарнасында Қазақстан президенттігіне үміткерлердің теледебаты өтті. Оған "Ұлы Дала Қырандары" Республикалық қозғалысы" бірлестігі атынан президенттікке үміткер атанып отырған Сәдібек Түгел ұлттық нақыштағы шапан киіп, қамшы ұстап келді деп хабарлайды KAZ.NUR.KZ.

Сәдібек Түгел өз сөзінде Қазақстан аумағында АЭС салуға түбегейлі қарсы екендігін жеткізді.

Ол мұндай шешімді қабылдамастан бұрын, алдымен халықпен ақылдасу қажеттігін қадап айтты.

"Біз болашақ ұрпаққа таза су, таза өзен мен жер, таза ауаны аманат етіп, тастауымыз керек", - деді перзидентікке үміткер.