Нұр-Сұлтанда "Астана" экономикалық форумы басталды (фото)

Бүгін елордада XII Астана экономикалық форумы өз жұмысын бастады. Оған Елбасы Нұрсұлтан Назарбаев қатысуда деп хабарлайды KAZ.NUR.KZ.

Жиында сөз алған Елбасы аталмыш форумның маңыздылығына тоқталып өтті.

"Құрметті қонақтар, құрметті қауым! Бүгінгі форумға қатысып отырған сарапшылар, форум меймандары, осы жұмысқа атсалысып жатқан барлықтарыңызға қош келдіңіздер деп, өз атымнан шынайы ризашылығымды білдіремін.

Осы 11 жыл аралығында форум өзінің маңыздылығын аңғартты. Форум аясында экологиялық проблемалар, G global және адами капиталды дамыту дамыту және т.б. мәселелер қаралып келді", - деді Елбасы.

Айта кетейік, Астана экономикалық форумына жаһандық көшбасшылар, әлемнің белді саясеткерлері, сарапшылары, Қазақстанның үкімет мүшелері қатысады.

Олар "жасыл экономика", қалалардың түрленуі, адами капиталды дамыту және т.б. өзекті тақырыптарда өз ойларын ортаға салатын болады.