Химия пәнінің мұғалімі Білім және ғылым министрі болып тағайындалды

Еліміздің жаңа Білім және ғылым министрі тағайындалды. Бұл лауазымға Күләш Шамшидинова келген деп хабарлайды Ақордаға сілтеме жасаған NUR.KZ.

"Күләш Ноғатайқызы Шәмшидинова Қазақстан Республикасының Білім және ғылым министрі болып тағайындалсын", - делінген хабарламада.

Айта кетейік, Күләш Шамшидинова ғалым, педагог әрі химия пәнінің мұғалімі.

Министр лауазымына тағайындалғанға дейін ол "Назарбаев Зияткерлік мектептері" дербес білім беру ұйымы басқармасының төрайымы болған.