Ресей азаматы зейнетақы алу үшін жылдар бойы анасының өлімін жасырып келген

Ресейдің Тульск ауданында тұратын азамат 2001 жылы қайтыс болған анасының өлімін жылдар бойы жасырып келгені анықталды деп хабарлайды Oxu.Az сайтына сілтеме жасаған NUR.KZ.

Азамат анасының көз жұмып, оны 2001 жылы шетелде жерлеп қойғанын жасырған. Ол мұндай қулыққа қарияның зейнетақысын алып отыру үшін барыпты.

Сонымен, 17 жыл бойы марқұм үшін зейнетақы алып келген күдіктіге қатысты алаяқтық дерегі бойынша қылмыстық іс қозғалды.

Ұлттық бюро қызметкерлері шетелдік әріптестерінен ресейлік әйелдің 2001 жылы қаза болғаны туралы актіні алғанда азаматтың заңсыз әрекеті әшкере болған.