Беті ауырып дәрігерге келген азаматтың мұрнынан қансорғыш құрт шықты (фото)

Вьетнамдағы Дьенбенфу қаласының тұрғынының мұрнынан дәрігер сүлік алып шыққан деп жазады lenta.ru сайтына сілтеме жасаған NUR.KZ.

Тау бөктеріндегі ауылда тұратын ер азамат ауруханаға беті ауыратынын айтып келген. Көп ұзамай науқастың мұрнына қан аға бастаған.

Дәрігер эндоскоптың көмегімен науқастың мұрнын тексеріп, мұрнының ішінен қансорғыш құртты анықтаған. Құртты алып шыққан дәрігер, ер адамға табиғи бұлақтардың суын қайнатып ішуге кеңес берді.

Естеріңізге сала кетейік, Үндістанның Карнатака штатының тұрғынының көзінен 15 сантиметрлік Баркрофт жіпшесі алынған болатын.