Ochooоu өзін МС Сайлаубекпен салыстырған жұртты балағаттап тастады (фото)

Отандық танымал әнші әрі қазақша комедияларда түрлі рөлдерді сомдап жүрген актер Ochooоu (Олжас Абай) өзін МС Сайлаубекпен салыстырғандарды балағаттап тастады деп хабарлайды NUR.KZ.

Оқырмандарының сөзін ұнатпаған әнші ашулы жазбасын желідегі парақшасына жариялап, артынша өшіріп тастаған.

"Түрі мен сақалы болған соң, қазақ жігіттері бір-біріне ұқсайтын шығар. Бірақ мені "Сайлаубек 2" деп жазатындар көбейді.

Сонда мен өнер деп он жыл өзегімді жыртып келемін. Төрт жыл өнер академиясында оқимын. Англияда диплом тапсырып, театрда екі жыл бойы қызмет етемін.

Әннің мәтінін білетін азаматтармен жұмыс істеймін.

Сонда сағына жеткен халқымның, жастардың алдында ән айтсам, осы жігіттің екіншісі болу керек пе?", - деген әнші өзін Сайлаубекке ұқсатқан жігітке балағат сөздерді жазып қойған.