Сүйіктісіне ерекше ұсыныс жасамақ болған жігіт жол апатынан "көз жұмды"

Филиппинде сүйіктісіне ерекше түрде тұрмысқа шығу туралы ұсыныс жасамақ болған әскери жігіт "мерт болды". Бұл туралы Oxu.Az сайтына сілтеме жасаған NUR.KZ жазады.

Азамат полициямен алдын-ала келісіп, көлік ағылған жолда мотоциклінің жанына жатады. Ол сүйіктісін таңғалдыру үшін жол-көлік апаты орын алғандай кейіп танытқан.

Полиция қызметкері қалыңдықты оқиға орнына шақырып, оған жігітінің жағдайы өте қиын екенін айтады. Әбден дегбірі қашқан ару ғашығына жүгіріп келгенде ол қайта "тіріліп кетіп", қалтасынан неке сақинасын шығарған.

Идеясы ерекше сүйіктісіне "иә" деп жауап берген бойжеткен көз жасын тоқтата алмады.