Елдің сөзіне шыдамаған Альбина Шардарова көз жасына ерік берді (видео)

Шаңырақ көтерген соң танымалдылығы арта түскен жұлдызды жұп өздерін сынға алған көпшілікке реніш білдірді. Альбина Шардарова мен Бауыржан Сатов халықтың пікіріне мән бермеуге тырысқанымен, көңілге тиетін сөздер болғанын да жасырмады деп жазады NUR.KZ.

Отандық телеарналардың біріне сұхбат берген жұлдызды жұп өзгелердің тарапынан айтылған сынға қалай төтеп бергендері туралы бөлісті.

"Көңілсіз жүрді, қинап үйлендіргендей болды деп жазып жатты барлығы. Олар тойдың бас-қасында болған жоқ қой. Оны қоймай, мені Альбинаның қасында үлкен аға сияқты деп те жатты. Сәл толып кеткенім болмаса енді" , - деді Бауыржан Сатов.

Қазақстандық актер жағымсыз пікірлерге еті үйреніп қалғанымен, оның сүйіктісінің жүрегіне көптің сыни жазбалары ауыр тиген секілді.

Отандық әнші өзін сынағандарға жауап бермек болып, жұртшылықтың жазғанын еске ала отырып жылап жіберді.

"Шынымен көңіліңе тиіп кетеді екен. Мән бермеуге тырысамын. Бауыржан айтады "көңіліңе алма" деп. Адамдарды Алла тағала қосады. Сол себепті бізді бір-бірімізге тең емес деуге ешкімнің де құқысы жоқ" , - деді Альбина.