Шашты жиі бояу қатерлі ісікке душар ететіні рас па?

Фин ғалымдары шаш бояуына зерттеу жүргізіп, оның ағзаға зиян тұстарын анықтады деп хабарлайды belnovosti.by-ға сілтеме жасаған NUR.KZ.

Ғалымдардың пайымдауынша, шаштарын жиі бояйтын әйелдер түрлі ауруларға жиі шалдығады екен. Олардың арасында тіпті сүт бездерінің қатерлі ісігі дерті де бар.

Шаш бояуы бас терісіне зиян келтіріп қана қоймай, әйел ағзасындағы гармоналдық жүйенің ауытқуына әкеп соқтырады екен. Ал, ол өз кезегінде қатерлі дертке шалдықтырады дейді ғалымдар.

Зерттеу нәтижелеріне сәйкес, ағзадағы ауытқушылықтар 40 жастан асқан әйелдерде болатын көрінеді.

Шаш бояуы адам ағзасына біртіндеп зиян тигізе бастайды екен. Олар адам ағзасында "жинала" беріп, бір күні оңдырмай "ауыртуы" мүмкін.

Мамандардың айтуынша, шаш бояуын тым жиі пайдалануға болмайтын көрінеді.

Ал бояу шығаратын кәсіпорындар қазірге жаңа технологиялар шаштың адам ағзасына зиянын барынша азайта түсетінін алға тартады.