Жігер Ауыпбаевпен суретке түспек болған халық әншіні таптап кете жаздады

Отандық танымал әнші Жігер Ауыпбаев ашық аспан астында өткен концерттердің бірінде тапталып қала жаздады. Онымен суретке түскісі келген халық жан-жақтан қаумалап, әншіні әбігерге түсірген деп хабарлайды NUR.KZ.

"Бойдың ұзындығының арқасында аман қалдым" деген Жігер концерттен кейін болған жағдайдың видеосын Instagram желісінде бөліскен.

Әншінің парақшасына жарияланған видеодан оны екі полицейдің әрең тартып алып кеткенін көруге болады.

Көпшілік Жігер Ауыпбаевты жан-жақтан қоршап алып, жібермей қойған.

"Бұйырса гәстрөлге шықсам осылай жиналыңыздар иә?", - деп жазады әнші өзі бөліскен видеоның анықтамасына.