Атақты эктрасенс Бақыт Жұматова Денис Теннің ажалы неден болғанын айтты

NUR.KZ порталына сұқбат берген қазақстандық танымал көріпкел Бақыт Жұматова мәнерлеп сырғанаушы Денис Теннің өліміне қатысты пікір білдірді.

"Қазақстанда адам өлтіру оқиғалары жиілеп кетті. Соңғы шулы оқиғалардың қатарында Денис Теннің өлімі бар. Тағы бір әзілкеш жігіт қайтыс болды. Шыны керек, масқара жағдайлар болып жатыр.

Өткенде Мұрат Әбеновке жаздым. Өлім тек қана Құдайдың қолымен болады. Ол адамның қолынан ба, аурудан бола ма белгісіз. Денистің өлімі абайсызда болған қайғылы жағдай. Өлім қасақана жасалмаған.

Қазір кінәлілер жауап беріп жатыр. Мүмкін ол сол күні үйінде отыра бергенде ондай болмас еді. Өлім өз машинасынан болып тұр", - дейді Бақыт Жұматова.

Ресейде өткен экстрасенстер байқауында мықтылардың қатарынан көрінген қазақстандық көріпкел әр адам өлім туралы ойлап жүру керектігін ескертті.

"Ақтөбелік әзілкештің қазасы да байқаусызда болған өлім. Менің әжем 92 жасында қайтыс болды. Ол кісі "Алла, өз үйімде, жылы кезде өлсем екен" деп сөйлеп отыратын. Айтқанындай жаз айында қайтыс болды.

Адам өлімді де ойлап жүру керек. Арам да азапты өлімнен сақта деп, өз үйінде өлуді сұрап, тек жақсы ойда болу керек. Адам қалай ойлайды сол болады. Мен ойлаймын, Денис те "өз елімде өлсем екен" деп айтқан болар. Сол себепті "Мен ұзақ өмір сүргім келеді, солай болғай" деген сөздерді жиі айтып жүру керек", - дейді Жұматова.

Материал ҚР заңнамасымен қорғалған. Материалдың кез келген бөлігін көшіріп-басуға болмайды.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98