Top.Mail.Ru

Сайт нұсқасы

ru kz

Зектілері

Имам: Азаматтық некеде дүниеге келген бала ойнастан туған болып есептеледі

Опубликовано:

Соңғы кездері кең қанат жайып келе жатқан азаматтық неке көпшілік арасында үлкен дау тудыруда. Бірі заманауи некенің бұл түрін қолдап жатса, басқалары оған ашық түрде өз қарсылығын байқатқан. Азаматтық некеге наразылығын білдіріп жүргендер арасында мұсылмандар діни басқармасының өкілдері бар деп хабарлайды qamshy.kz сайтына сілтеме жасаған NUR.KZ.

Фото: cosmogirl.ru
Фото: cosmogirl.ru: UGC

Қазақстанның Семей өңіріндегі өкіл имамы Мақсат қажы Алтыбай шариғаттағы неке шарттары жөніндегі өз ойын айтып берді.

"Неке тазалығы дініміздің бас ұстанымы болып табылады. Шариғат шарты бойынша некесі қиылмаған екі жастың жеке қалуына тыйым салынған. Ата – бабаларымыз да бұл мәселеге ерекше мән берген. Жас аруды жаман аттан қызғыштай қорғап, некесі қиылғанша екі жастың ортасында қыздың жеңгесі жүрген екен.
Азаматтық некеге дініміз қарсы. Қолдамайды. Қазақстан мұсылмандары діни басқармасының азаматтық некеге байланысты арнайы пәтуасы бар", -деп айтып өтті Мақсат қажы.

Оның айтуынша, азаматтық некеде тұрып жатқандардың барлығы шариғат бойынша заңсыз құрылған отбасы болып саналады.

Азаматтық некеде неке қиылмай ер мен әйел төсек қатынасына барады. Яғни, бұл зина болып саналады. Ал зина шариғатта үлкен күнә болып есептеледі. Алла Тағала Құран Кәрімде: «Зинаға мүлде жоламаңдар. Шын мәнінде, ол – анық арсыздық әрі ең жаман жол» («Исра» сүресі, 32-аяты) - деп зинаның харам екендігін қатаң ескерткен
АХАЖ бөлімінен тіркеуден өтпеген және мешітте некесі қиылмаған адамдардың жұптасуы заң бойынша және шариғат шарты бойынша заңсыз болып табылады. Мұндай жұптарда ешқандай отбасылық жауапкершілік болмайды. Ұнамаса бір-бірін тастап жүре береді. Ал азаматтық некенің салдарынан дүниеге келген бала ойнастан туған болып есептеледі және шариғи тұрғыдан мұрагерлік, қамқорлық құқықтарынан айырылады", - дейді Семей орталық мешітінің бас имамы.

Имамның сөзінше, жаһандану заманында өз-өзін қормаған ұлт басқа бір алып уысына да өтіп кетуі әбден мүмкін. Сол себепті, ғасырлар бойы жинақталған ұлттық құндылықтарды қатаң түрде сақтау арқылы болашақ ұрпаққа дұрыс тәрбие беру аса маңызды дейді дін қызметшісі.

Мақаланың түпнұсқасы: https://kaz.nur.kz/society/1733830-imam-azamattyk-nekede-dniege-kelgen-bala-ojnastan-tugan-bolyp-esepteledi/

pixel