KZ

Мәсімов: Мемлекеттік тілде тәулік бойы жұмыс істейтін телеарна қажет

Рассказать в Telegram Расcказать Вконтакте

Мемлекеттік тілде тәулік бойы жұмыс істейтін телеарна қажет.

Бүгін Қазақстан Байланыс және ақпарат министрлігінің алқа мәжілісінде Үкімет басшысы Кәрім Мәсімов осылай мәлім етті.

"Жалпы Байланыс және ақпарат министрлігінің былтырғы жылғы барлық бағыттар бойынша қол жеткізген нәтижелері жақсы әрі айқын. Былтыр ұялы байланыстың үшінші буыны іске қосылды. Бұл бағытта тоқтап қалуға болмайды, алға жылжу қажет. Электрондық үкімет де жандана бастады. Спутниктік сандық телеарна жоба бойынша іске қосылды",-деді К. Мәсімов.Сонымен қатар Премьер-Министр еліміздің барлық өңірлерінде жаңа жобалар қабылданып жатқанын, оның ішінде жұртшылық арасында "Балапан" телеарнасына ерекше қызығушылық бар екенін атап өтті.

"Мемлекеттік тілде тәулік бойы жұмыс істейтін телеарнаның қажеттілігі айқын сезіледі. Әсіресе, өңірлер үшін бұл мәселе шешімін табуы тиіс. Мұндай проблеманың шешімін таппай мемлекеттік тілді дамытуды және осы төңіректегі басқа да шараларды ілгері жылжыту мүмкін емес",- деді К. Мәсімов.

 

Новости Казахстана
Мәсімов: Мемлекеттік тілде тәулік бойы жұмыс істейтін телеарна қажет
Mailfire view pixel