Мексикада бірнеше әйел ақ көйлек киіп, ағашқа тұрмысқа шықты

Мексидағы Сан-Джасинто-Амилпас қаласындағы Оахака штатында бірнеше әйел ағашқа тұрмысқа шықты деп хабарлайды oxu.az басылымына сілтеме жасаған NUR.KZ.

Белсенді эколог, перуандық актер Ричард Торрестің бастамасымен ұйымдастырылған шара 25 ақпан күні болып өтті. Ақ көйлек киген әйелдер ағаштарды сүйіп, құшақтап, оларға адалдық туралы ан-су ішкен. Сонымен бірге, "қалыңдықтар" аспанға гүл шоқтарын лақтырып, салтанатты шараны өткізді.

Осылайша әйелдер Мексиканың оңтүстік-батысындағы ағаштарды заңсыз кесіп жүргендерге қарсылық танытқан.

Еске салсақ, дәл осындай шараны Ричард 2017 жылдың желтоқсан айында да өткізген болатын. Ол осы арқылы мыңдаған ағаштың кесілуіне жол бермеуге тырысатынын айтқан.