Шымкенттік жігіттің анасына арнаған әні көпшіліктің көңілін босатты

Шымкентте анасына арнап ән кешін өткізген Айдос Қалиев, көрерменнің көңілін босатты. Балалар үйінде тәрбиеленген өнерлі жігіт, концерттің атын "Анаға сағыныш" деп қойған. Бұл туралы ТВК арнасына сілтеме жасаған NUR.KZ хабарлайды.

Анаға деген сағынышты әнмен жеткізген кеш иесі, концертке келгендердің көзіне жас үйірді. Алайда ол өзінен бас тартқан анасына ренжіген емес.

"Бүгінгі кештің тақырыбы "Анаға сағыныш". Өйткені ол өзімнің шынайы өмірімнен алынған тарих. Суық тарих. Әлі күнге дейін шешілмеген сұрақ. Құдай қаласа осы кештен кейін анамды тапсам деген ниеттеміз. Осы анамды іздеумен айналысамыз. Бұл жерде қазіргі жастарды, жас аналарды балаларын тастамаса екен, ешбір сәби далада қалмаса екен деген мақсат", - дейді әнші Айдос Қалиев.

Бала кезінен ән айтататын Айдос Қалиев демеушілер табылса біраз белесті бағындырғысы келеді. Ал бағындырар белесінің ең үлкені анасын табу.