Баян Есентаева Кәмшат Жолдыбаеваға продюсер болудан бас тартты
Опубликовано:
Баян Есентаева танымал әнші Кәмшат Жолдыбаеваға продюсер болудан бас тартты.
Бұл туралы Баян өзінің Instagram-дағы парақшасында хабарлады.
"Кәмшатты жаңа видеосымен құттықтаймын. Кәмшатпен өткізген 5 жыл керемет эмоцияға, жақсы жаңалықтарға толы, ұмытылмастай болды. Кәмшат өсті, қалыптасқан әншіге айналды. Сондықтан, мен Кәмшатқа сәттілік тілеп, оны еркіне жіберуді жөн көрдім. Мен оған шығармашылық табыс тілеймін. Бұл жаңалықты тым асыра көрсетудің қажеті жоқ. Жақын аралықта мен сіздерге жаңа есімдерді таныстырамын", - деп жазады продюсер.
Еске сала кетейік, Кәмшат Жолдыбаева "Кешью" тобының құрамында жүріп, "Тракторшының махаббаты" сериалына түсті. Сонымен қатар, телебағдарлама жүргізушісі де атанды. Былтыр ол топтан бөлініп, жеке шығармашылығын бастаған болатын.
"Кешью" тобында өнер көрсеткен Мөлдір Әуелбекова да Баянның қоластында дайындалудан бас тартқан еді.
Мақаланың түпнұсқасы: https://kaz.nur.kz/showbiz/866974-bayan-esentaeva-qolastyndaghy-taghy-bir/
